اهل مشکین شهرم

خيال وصل زولفوندن گوزوم هردم سولانمازمي

كونول قان اولدو هجريندن ، بونو دلدار قانمازمي

بئزيكديم ظلم و جوريندن ، مني قول تك ساتانمازمي

مني جاندان اوصانديردي ، جفادان يار اوصانمازمي

فلك لر ياندي آهيمدن ، مراديم شمعي يانمازمي

گورزل كيپريك لري هر آن ، ائدر صبرين اوين ويران

قارا زولفو او بي ايمان ائديبدير تابيمي تالان

وروب اود جانيمه هجران كنول اولموش جفادان قان

هامو بيمارينه درمان دواي درد ائدر احسان

نه چون قيلماز منه درمان ، مني بيمار صانمازمي

پوزولدو شن گلستانيم سارالدي گولو بوستانيم

گئديبدير سئله سامانيم آخار گوزدن قيزيل قانيم

قالانميش درد هجرانيم بو درده يوخدي درمانيم

شب هجران يانار جانيم توكر قان چشم گريانميم

اوياتدی خلقي افغانيم ، قارا بختيم اويانمازمي

گوزوم آغلار كونول قانلو ، سوروشمورسان نه دن دير بو

جفادان آي قارار گيسو اولوب جسميم مثال مو

غميدن اي هلال ابرو قوروبسان اودلو بير قورقو

گول رخسارينه قارشو گوزومدن قانلو اخادی سو

حبيبيم فصل گول دير بو آخار سونلار بولانمازمي

سنين رخسار آلنيندان آليب دير رنگ و بو گلشن

اولا تاجان چراغيم شن اوره گدن توكميشم روغن

اشيت بو قصه ني مندن اينان بير عمرودور سندن

غمي پنهان توتوردوم من دئدي لر قيل يارار روشن

دئسم اول بيوفا بيلمن ! اينان نارمي اينانمازمي

نصيحت ايلدي عاقيل كي ورمه دلربايه دل

اولار اخير ايشين مشكيل قالارسان اوندا پا در گل

اولار وصلي سنه نيسگيل كي قاتيل دير يارين قاتيل

دلي اولدي سنه مايل سن ائتدين عقليمي زايل

منه طعن ائيله ين غافل سني گورجك اوتانمازمي

شعر از استاد بزرگوار جناب اقاي حميد سيد نقوي (حامد)